ԼՂ-ից բռնի տեղահանված 198 անձ շարունակում է բուժումը ՀՀ բուժհաստատություններում. 44-ի վիճակը ծանր է, 10-ինը՝ ծայրահեղ ծանր

ԼՂ-ից բռնի տեղահանված 198 անձ շարունակում է իր առողջության վերականգնումը հայաստանյան բուժհաստատություններում. 44-ի վիճակը ծանր է, 10-ինը՝ ծայրահեղ ծանր, 19 բուժառու շարունակում է բուժումը արտերկրի կլինիկաներում: Այդ մասին ասուլիսի ժամանակ ասաց ՀՀ վարչապետի մամուլի քարտուղար Նազելի Բաղդասարյանը:

Առողջության պահպանման առաջնային օղակներում այս պահի դրությամբ արդեն իսկ կցագրվել է ԼՂ-ից բռնի տեղահանված 28 861 անձ:

Անդրադառնալով կրթության ոլորտին՝ Նազելի Բաղդասարյանը նշեց, որ ԼՂ-ից բռնի տեղահանված աշակերտները շարունակում են համալրել ՀՀ կրթական հաստատությունները: Նրանցից 13 888-ն արդեն իսկ հաճախում են հայաստանյան կրթական հաստատություններ:

Ըստ այդմ՝ Երևանում՝ 4363, Կոտայքում՝ 2408, Արարատում՝ 1929, Արմավիրում՝ 1227, Լոռիում՝ 820, Գեղարքունիքում՝ 676, Արագածոտնում՝ 622, Շիրակում՝ 576, Սյունիքում՝ 554, Տավուշում՝ 423, Վայոց ձորում՝ 290 անձ:

Ընթացիկ շաբաթում կգործարկվի հարթակ, որի միջոցով ուսուցիչներն արտամրցութային կարգով կհամալրեն կրթական հաստատությունները:

Related posts

ՔՊ վարչության նիստում քննարկվել են կուսակցական, քաղաքական և հանրային կարևորություն ունեցող հարցեր

Սահմանազատման գործընթացի վերաբերյալ բոլոր հարցերը քննարկվում են բացառապես պետական հանձնաժողովների համատեղ աշխատանքների շրջանակներում․ Մհեր Գրիգորյանի գրասենյակ

Աննա Հակոբյանը բարձրագույն կրթությունը կշարունակի Չինաստանում, Մարինե Հակոբյանը կսովորի Խաչատուր Աբովյանի անվան մանկավարժական համալսարանում