Լիտվացի սահմանապահները Բելառուսի հետ սահմանին հայտնաբերել են թունել, որը, հնարավոր է, փորված է եղել անօրինական միգրանտների համար, հաղորդում է LRT-ն՝ հղում անելով Լիտվայի պետական սահմանապահ ծառայությանը (VSAT):
Թունելը հայտնաբերվել է Լիտվայի հարավ-արևելքում գտնվող Վարենսկի շրջանում. գրանցված գետնի ցնցումները վկայում են, որ այն փորվել է բելառուսական կողմում, հաղորդում է LRT-ն: VSAT-ի տվյալների համաձայն՝ թունելի տրամագիծը մոտավորապես մեկ մետր է, իսկ խորությունը՝ 1.5 մետր: Լիտվայի իշխանություններին ստորգետնյա թունելների որոնման գործում օգնել են լեհ մասնագետները:
«Վերջերս մենք նկատել ենք միգրանտների մարտավարության փոփոխություն: Գաղտնի անցումների համար նրանք ավելի հաճախ օգտագործում են թունելներ կամ քարանձավներ»,- ասել է Պետական սահմանապահ ծառայության (VSAT) ղեկավարը:
Նա նշել է, որ սահմանապահները հայտնաբերել են տասնյակ այլ վայրեր, որտեղ կարող են գտնվել նմանատիպ ստորգետնյա անցումներ, որանց ստեղծումն անհնար կլիներ առանց բելառուսական կողմի աջակցության: