Իրանը հակաօդային պաշտպանության լայնամասշտաբ զորավարժություններ է անցկացնում

Իրանցի զինվորականները հունվարի 12-ի առավոտյան սկսել են անցկացնել «Էխտեդար» հակաօդային պաշտպանության զորավարժությունները, հաղորդում են իրանական լրատվամիջոցները։

Զորավարժություններն անցկացվում են Իրանի հյուսիսում և արևմուտքում։ Դրանցում ներգրավված են ոչ միայն հակաօդային պաշտպանության ուժեր, այլև մարտական ինքնաթիռներ և անօդաչու սարքեր:

EFE-ն հայտնում է, որ պատրաստության նման փորձարկումն իրականացվում է ԶԼՄ-ների վերջին հրապարակումների ֆոնին, ըստ որոնց՝ Միացյալ Նահանգները դիտարկում է Իրանի միջուկային օբյեկտներին հարվածներ հասցնելու հնարավորությունը, եթե պարզվի, որ Թեհրանը մոտ է միջուկային զենք ստեղծելուն։

Բացի այդ, վերջին ամիսներին Իսրայելը սպառնացել է օդային հարվածներ հասցնել Իրանին։

Related posts

Խոշոր չափերով կաշառք ստանալու մեղադրանքով ձերբակալվել է ՀՀ ՊՆ ռազմական ոստիկանության պաշտոնատար անձ

Վահագն Խաչատուրյանը պարգևատրել է հայագիտության պրոֆեսոր Թեո Մաարտեն վան Լինտին և դոցենտ Աննա Սիրինյանին

ՀՀ ԱԳ փոխնախարարը վերահաստատել է տարածաշրջանային կապուղիների ապաշրջափակման վերաբերյալ ՀՀ սկզբունքային դիրքորոշումը. ԱԳՆ