Իսրայելի զինվորականները կոչ են արել Լիբանանի արևելյան և հարավային շրջանների մոտ 50 գյուղի բնակիչներին տարհանվել՝ հնարավոր հարվածներից առաջ` ի պատասխան Իսրայելի վրա «Հեզբոլլահի» կողմից բացված կրակի։ Այս մասին հայտնում է AP գործակալությունը։
«Հեզբոլլահ»-ը հայտնել է իսրայելական կողմի դեմ կրակ բացելու մասին՝ ի պատասխան Իրանի գերագույն առաջնորդ այաթոլլա Ալի Խամենեիի սպանության և «Իսրայելի շարունակվող ագրեսիաների»։
Իսրայելի զինվորականները կոչ են արել խաղաղ բնակիչներին տարհանվել իրենց տներից և գյուղերից առնվազն 1000 մետր հեռավորության վրա՝ տեղափոխվելով բաց տարածքներ։