Իսպանիայի Վալենսիա նահանգում անտառային հրդեհներ են մոլեգնում: Իշխանությունները մի շարք բնակավայրերից ավելի քան 1 500 մարդու են տարհանել։
Կաստելիոն գավառում մեկ օրում ավելի քան երեք հազար հեկտար անտառային տարածք է վառվել: Իրավիճակը բարդանում է բարձր ջերմաստիճանի և ցածր խոնավության պատճառով։
Իսպանիայի օդերևութաբանական ծառայության տվյալով՝ չոր եղանակը նպաստել է, որ այս տարի անտառային հրդեհները սովորականից շուտ սկսվեն։ Հրդեհների սեզոնը սովորաբար սկսվում է հունիսին:
2022 թվականին Իսպանիայում շուրջ 500 հրդեհ է բռնկվել՝ ոչնչացնելով ռեկորդային 307 հազար հեկտար հողատարածք: