Ինչպես արդեն տեղեկացրել էինք, այսօր՝ 13։10-ի սահմաններում, Գյումրիում մի քաղաքացի, որպես բողոքի ցույց, բարձրացել էր ծառն ու սպառնում էր ինքնասպանություն գործել։ Շղթայով կապված երիտասարդի մոտ, ինչպես ոստիկանները փոխանցեցին առկա էր նաեւ թույն։ Ինքնասպանության փորձ կատարող անձին թե՛ հոգեւորականի, թե՛ ոստիկանության ու ԱԻՆ ՓԾ աշխատակիցներին չհաջողվեց համոզել ցած իջնել։ Ժամեր անց տղամարդը ծառից իջնելուց հետո ինքնահրկիզվել է։ «Գյումրի» ԲԿ փոխտնօրեն Արմեն Խաչատրյանի՝ «Այսօր» լրատվականին փոխանցած տվյալներով տղամարդուն ԲԿ են տեղափոխել մարմնի մոտ 40% աստիճանի այրվածքներով, տղամարդու կյանքին վտանգ է սպառնում։