Կայացել է ԱՄՆ և Ռուսաստանի նախագահների հեռախոսազրույցը, որից հետո նախագահ Թրամփն իր Truth Social կայքում գրել է.
«Երեկ մենք շատ լավ և արդյունավետ քննարկումներ ենք ունեցել Ռուսաստանի նախագահ Վլադիմիր Պուտինի հետ: Շատ լավ հնարավորություն կա, որ այս սարսափելի, արյունալի պատերազմը վերջապես ավարտվի: Բայց հենց այս պահին հազարավոր ուկրաինացի զինծառայողներ ամբողջովին շրջապատված են ռուսական զորքերով և գտնվում են ծանր ու խոցելի վիճակում։ Ես համառորեն խնդրել եմ նախագահ Պուտինին՝ պահպանել նրանց կյանքը։ Դա սարսափելի կոտորած կլիներ, ինչպիսին չի եղել Երկրորդ համաշխարհային պատերազմից ի վեր։ Աստված օրհնի նրանց բոլորին»: