Հիանալի և շատ հաջող օր Ալյասկայում՝ Truth Social-ի իր էջում գրել է ԱՄՆ նախագահ Դոնալդ Թրամփը:
«Ռուսաստանի նախագահ Վլադիմիր Պուտինի հետ հանդիպումը շատ լավ անցավ, ինչպես նաև ուշ երեկոյան հեռախոսազրույցն Ուկրաինայի նախագահ Զելենսկու և եվրոպացի առաջնորդների, այդ թվում՝ ՆԱՏՕ-ի շատ հարգված գլխավոր քարտուղարի հետ: Բոլորը եկել են այն եզրակացության, որ Ռուսաստանի և Ուկրաինայի միջև սարսափելի պատերազմին վերջ տալու լավագույն միջոցը ուղղակիորեն խաղաղության համաձայնագիր կնքելն է, որը վերջ կդնի պատերազմին, այլ ոչ թե պարզապես հրադադարի համաձայնագիր կլինի, որը հաճախ չի կատարվում»,- նշել է Թրամփը:
Սպիտակ տան ղեկավարը հաստատել է, որ Վոլոդիմիր Զելենսկին օգոստոսի 18-ին կայցելի Վաշինգտոն:
«Եթե ամեն ինչ ստացվի, մենք հանդիպում կնշանակենք նախագահ Պուտինի հետ։ Դա կարող է փրկել միլիոնավոր մարդկանց կյանքեր»,- գրել է Սպիտակ տան ղեկավարը: