Չնայած պատժամիջոցներին, ռուսական հիմնական միկրոչիպերի և էլեկտրոնիկայի ներմուծումը վերադարձել է նախապատերազմական մակարդակի, ասել է ԱՄՆ Պետդեպարտամենտի պատժամիջոցների համակարգող Ջիմ Օ՛Բրայենը, գրում է Politico-ն։
Խնդիրն, ըստ Օ’Բրայենի, այն է, որ եվրոպական ընկերությունները նյութեր են վաճառում այլ երկրների, որոնք իրենց հերթին դրանք վերավաճառում են Ռուսաստանին:
Նա նշել է, որ այդ բաղադրիչները շատ կարեւոր են ժամանակակից զենքի արտադրության համար։ Նրա խոսքով, ԱՄՆ-ը հայտնաբերել է հինգ երկիր, որոնք օգնում են շրջանցել պատժամիջոցները՝ Թուրքիան, Ղազախստանը, Վրաստանը, Արաբական Միացյալ Էմիրությունները և Հայաստանը։