Այսօր Գյումրու թիվ 31 ընտրատարածքային ընտրական հանձնաժողովի հրավիրած նիստի օրակարգում մեկ հարց է եղել՝ Գյումրիում մարտի 30-ին կայանալիք արտահերթ ընտրություններում կուսակցությունների և դաշինքների կողմից ներկայացված ընտրական ցուցակները գրանցելը։ «Ներկայացված փաստաթղթերում լուրջ բացթողումներ չեն եղել, ընդամենը տառասխալներ կամ այլ վրիպակներ, որոնք սահմանված ժամկետներում շտկվել են», -վստահեցնում է հանձնաժողովի նախագահ Տիգրան Ղազարյանը։