Թբիլիսիի Սամտրեդիա փողոցում բազմաբնակարան շենքում հզոր պայթյուն է որոտացել, հայտնում է Ռուսթավի 2 հեռուստաալիքը։
Պայթյունը տեղի է ունեցել առաջին հարկի հանդիսությունների սրահում։ Վերջերս այն վերանորոգվում էր, և հաստատությունը չէր գործում։ Նախնական տեղեկություններով՝ պատճառը գազի արտահոսքն է եղել։
Պայթյունն այնքան ուժգին է եղել, որ պայթյունի ալիքը կոտրել է բնակարանների ապակիները:Միջադեպի հետևանքով զոհեր և վիրավորներ չկան։
Բնակիչները տարհանվել են։ Իշխանությունները հյուրանոցներում տեղավորել են 53 մարդու, հաղորդում է Դիդուբի շրջանի վարչակազմը։ Նշվում է, որ այս հասցեում ապրում է 93 ընտանիք։
Բնակիչները կկարողանան վերադառնալ այն բանից հետո, երբ համապատասխան ծառայությունները տեղում կավարտեն իրենց աշխատանքները, և պայթյունի հետևանքները ամբողջությամբ կվերացվեն։ Միջադեպի հետաքննությունը շարունակվում է։