Թբիլիսիում հրդեհ է բռնկվել «Լիլո» մանրամեծածախ առևտրի կենտրոնում: Հրդեհը տարածվել է կենտրոնի մոտ 5 հազար քառակուսի մետր տարածքում՝ հայտնել Է արտակարգ իրավիճակների կառավարման ծառայությունը:
Այրվել են պահեստներ և խանութներ: Հրդեհը մարելու համար մոբիլիզացվել է 15 հրշեջ հաշվարկ։ Վնասի չափը դեռևս հայտնի չէ։
Հրդեհի պատճառը պարզելու համար հետաքննություն է սկսվել։ Նախնական տվյալով՝ հրդեհը բռնկվել է շենքի երկրորդ հարկում։