Մարիա Զախարովան անդրադարձել է Ռուսաստանի և Ադրբեջանի հարաբերություններին՝ շեշտել՝ դրանք բարդ փուլում են։ Միևնույն ժամանակ, Ռուսաստանի նպատակն է, որ այն չձգձգվի։
«Մենք ակնկալում ենք շուտափույթ կարգավորում։ Այդ ճանապարհին նշանակալի քայլ կլիներ Ռուսաստանի քաղաքացիների ազատ արձակումը, որոնք շարունակում են պահվել ադրբեջանական իշխանությունների կողմից»,- նշել է ՌԴ ԱԳՆ խոսնակը։
Զախարովան հավելել է, որ ռուս լրագրողներն Ադրբեջանում աշխատել են օրինական հիմունքներով։ Բացի դրանից՝ այնտեղ ձերբակալվել է Ռուսաստանի ևս 11 քաղաքացի, այդ թվում՝ զբոսաշրջիկներ, սակայն Ադրբեջանի իրավապահ մարմինների նման գործողությունների համար, ըստ Զախարովայի, հիմքեր չկան։
ՌԴ ԱԳՆ խոսնակը հավելել է, որ Բաքվի հետ շփումները շարունակվում են: