Գյումրու Պարոնյան փողոցում ապամոնտաժում են 1992 թվականից ապօրինի կառուցված քարային շինությունը, որտեղ ապրում են 5 բնակիչներ, ընդորում 3-ը՝ առողջական խնդիրներով: Բայց այն, որ շինությունը մայթի եւ անգամ փողոցի որոշ հատված է զբաղեցնում, փաստ է: Խնդիրն այն է, որ բնակիչն ասում է՝ թող լինի համայնքապետարանի խոստացված փոխհատուցումը, հետո միայն իրականացվի քանդման գործընթացը, բայց սրան հակառակ էլ Գյումրու համայնքապետարանից դեռ 2 ամիս առաջ եղել էր զգուշացում՝ գույքը տեղափոխելու ու տարածքն ազատելու: