Եվրոպայում գազի գինը բարձրացել է 20 տոկոսով՝ հասնելով հազար խորանարդ մետրի դիմաց 1370 դոլարի։ Այս մասին են վկայում Լոնդոնի ICE բորսայի տվյալները։
Եվրոպայում գազի գինը սկսել է աճել Ռուսաստանի նախագահ Վլադիմիր Պուտինի հայտարարությունից հետո, ըստ որի՝ նախատեսվում է հնարավորինս արագ գազի մատակարարումների դիմաց վճարումները ստանալ ռուբլով։ Նրա խոսքով՝ երկիրը կհրաժարվի բնական գազի մատակարարման համար վճարումներ ընդունել «փոխզիջումային» արժույթներով, այդ թվում՝ դոլարով և եվրոյով։
Պուտինի հայտարարության ֆոնին մոսկովյան բորսայում սակարկությունների ժամանակ ռուբլին արժևորվել է։ Դոլարի արժեքը տատանվել է 100 ռուբլու սահմանում: