Եվրախորհրդարանը հանդես է եկել ռուսական նավթի ու գազի ներկրման արգելք կիրառելու օգտին

Եվրոպական խորհրդարանը, արձագանքելով Բուչայում խաղաղ բնակիչների սպանություններին, ԵՄ Խորհրդին կոչ է արել՝ լրացուցիչ պատժամիջոցներ սահմանելու Մոսկվայի դեմ: Այդ մասին ասված է ապրիլի 7-ին Ստրասբուրգում կայացած լիագումար նիստին ընդունված բանաձևում։

Եվրապատգամավորները հանդես են եկել Ռուսաստանից գազի, նավթի, ածխի և միջուկային վառելիքի ներմուծման անհապաղ արգելք սահմանելու օգտին: Բանաձևին կողմ է քվեարկել 513 պատգամավոր, դեմ՝ 22 պատգամավոր, ևս 19-ը ձեռնպահ են մնացել:

«Եվրախորհրդարանը կոչ է անում անհապաղ արգելք սահմանել ռուսական նավթի, ածխի, միջուկային վառելիքի և գազի ներկրման նկատմամբ, ամբողջությամբ հրաժարվել «Հյուսիսային հոսք-1»-ից և «Հյուսիսային հոսք-2»-ից, ինչպես նաև ներկայացնել կարճաժամկետ հեռանկարում Եվրամիության էներգակիրների մատակարարումների անվտանգության ապահովման ծրագիրը»,- ասված է բանաձևում:

Ռուսաստանի նկատմամբ առաջարկվում է կիրառել նաև այլ սահմանափակումներ: Մասնավորապես, եվրապատգամավորներն աջակցություն են հայտնել SWIFT ֆինանսական փոխանցումների համակարգից ռուսական բոլոր բանկերի անջատմանը։

Related posts

Վարչապետի գլխավորությամբ քննարկվել են հարկային քաղաքականությանն առնչվող հայեցակարգային հարցեր

Գյումրու Սբ. Ամենափրկիչ եկեղեցու հարակից տարածքը հիմնանորոգված է, շատրվանները՝ վերականգնված. վարչապետ

Ավան վարչական շրջանում տեղի ունեցած միջադեպի հետևանքով տուժել է նաև պատահական անցորդ