Աշխարհաքաղաքական իրավիճակի զարգացումը ստիպել է Բելառուսի ղեկավարությանն ակտիվացնել բանակցությունները ՌԴ նախագահ Վլադիմիր Պուտինի հետ՝ միջուկային զենքը Բելառուս վերադարձնելու շուրջ։ Այդ մասին հայտարարել է նախագահ Ալեքսանդր Լուկաշենկոն՝ ուղերձով դիմելով հանրապետության ժողովրդին ու խորհրդարանին։
Նա ընդգծել է, որ ռազմավարական միջուկային զենքը երկիր կարող է բերվել աճող սպառնալիքների դեպքում։
«Ես և Ռուսաստանի նախագահ Վլադիմիր Պուտինը կորոշենք և անհրաժեշտության դեպքում ռազմավարական միջուկային զենք կտեղակայենք այստեղ»,- ասել է Լուկաշենկոն։
«Մենք պահպանելու ենք և ապահովելու մեր երկրի ինքնիշխանությունն ու անկախությունը, այդ թվում ՝ միջուկային զինանոցով»,- ասել է նա և հավելել. «Այս զենքը կնպաստի մեր ինքնիշխանությանն ու անկախությանը»:
Միաժամանակ Լուկաշենկոն ընդգծել է, որ «Բելառուսը խաղաղասեր երկիր է»։ «Մենք չենք նախատեսում հարձակվել որևէ մեկի վրա, չենք ցանկանում կռվել որևէ մեկի դեմ»,- հայտարարել է Բելառուսի նախագահը։
«Մեր վերափոխված ինքնաթիռները կարող են նաև միջուկային մարտագլխիկներ կրել: Դուք Ռուսաստանի նախագահից լսել եք Բելառուսի տարածքում համապատասխան ենթակառուցվածք ստեղծելու համատեղ ծրագրերի մասին: Ես պարզապես