ԵՄ-ն որպես մարդասիրական օգնություն լրացուցիչ 400 000 եվրո է հատկացրել Լեռնային Ղարաբաղում և դրա շուրջ հակամարտությունից տուժած խաղաղ բնակիչների առավել հրատապ կարիքները հոգալու համար:
Այս մասին հայտնել է հակաճգնաժամային կառավարման հարցերով եվրահանձնակատար Յանեզ Լենարչիչը։
«ԵՄ-ն կոչ է անում անհապաղ դադարեցնել ռազմական գործողությունները, որոնք արդեն խաղաղ բնակիչների կյանքեր են խլել: Մենք չափազանց մտահոգված ենք մարդասիրական իրավիճակի վատթարացմամբ`հաշվի առնելով գալիք ձմեռը և սրվող կորոնավիրուսային համաճարակը»,-ասել է պաշտոնյան:
Այս ֆինանսավորմամբ ԵՄ արտակարգ մարդասիրական օգնության ընդհանուր ծավալը ռազմական գործողությունների վերսկսումից ի վեր 900 000 եվրոյի է հասել: