Եվրամիությունը դիտարկում է քաղաքական գործիչների թեկնածությունները, որոնք կարող են հանդես գալ որպես ԵՄ ներկայացուցիչ Վլադիմիր Պուտինի հետ Ուկրաինայում պատերազմի ավարտի վերաբերյալ հնարավոր բանակցություններում: Այս պաշտոնի համար ամենախոստումնալից թեկնածուն համարվում է Եվրոպական կենտրոնական բանկի նախկին նախագահ և Իտալիայի նախկին վարչապետ Մարիո Դրագին, չորեքշաբթի՝ մայիսի 20-ին, հաղորդել է բրիտանական Financial Times թերթը՝ հղում անելով իր աղբյուրներին:
Մյուս թեկնածուների թվում են Գերմանիայի նախկին կանցլեր Անգելա Մերկելը և Ֆինլանդիայի երկու նախագահ՝ Ալեքսանդր Ստուբն ու նրա նախորդը՝ Սաուլի Նիինիստյոն: Financial Times-ի տվյալով՝ ԵՄ արտաքին գործերի նախարարները հաջորդ շաբաթ կհանդիպեն Կիպրոսում՝ այդ հարցը քննարկելու համար:
Թերթի աղբյուրները հայտնում են նաև, որ Ուկրաինան և Միացյալ Նահանգները պաշտպանում են Ռուսաստանի հետ հնարավոր բանակցություններին Եվրամիության ներկայացուցչի մասնակցության գաղափարը: Ըստ FT-ի մի քանի զրուցակցի՝ Վաշինգտոնում հասկանում են, որ Ուկրաինայում ռազմական գործողություններին վերջ դնելու նախագահ Դոնալդ Թրամփի վարչակազմի փորձերը «չեն աշխատում»: