Կրթության, գիտության, մշակույթի եւ սպորտի նախարարության ենթակայության ներքո գործող Գյումրու սուսերամարտի մանկապատանեկան մարզադպրոցի սաներից Արտյոմ Խալաթյանը լավ արդյունք է ցույց տվել Բաթումում կայացած միջազգային մրցաշարում ու կարողացել է մտնել առաջատար ութնյակ: Նա մինչ այդ էլ Հայաստանի պատանեկան առաջնությունում խոցասուսեր զենքաձեւում դարձել էր արծաթե մեդալակիր ու ահա իր հաջողությունը վերահաստատում է միջազգային ստուգատեսում: Նրանից մեծ սպասելիքներ ունի մարզադպրոցի տնօրեն Արթուր Խաչատրյանը: