Ռուսական ուժերն այս գիշեր հարվածային անօդաչու թռչող սարքերով հարձակվել են Օդեսայի վրա: Օդեսայի շրջանի վարչակազմի ղեկավարը նշել է, որ վնասվել է քաղաքացիական ենթակառուցվածքը, մասնավորապես՝ բազմաբնակարան բնակելի շենքեր, դրանցից մեկում հրդեհ է բռնկվել: Նրա խոսքով՝ մեկ մարդ զոհվել է, ևս երեքը՝ վիրավորվել:
Դնեպրոպետրովսկի մարզի իշխանություններն էլ հայտնել են Պավլոգրադի վրա զանգվածային հարձակման մասին։ Տարածաշրջանի ղեկավարի խոսքով՝ ռուսական զորքերը քաղաքի վրա հրթիռներ և անօդաչու թռչող սարքեր են կիրառել: Վնասվել են հրշեջ բաժանմունքը, արդյունաբերական ձեռնարկությունները, բնակելի շենք։ Տուժածների մասին չի հաղորդվում:
Ռուսաստանի ուժերը հարձակվել են նաև Խերսոնի վրա: Վիրավորվել է երկու մարդ։
Զանգվածային հարվածի է ենթարկվել նաև Սումիի շրջանը: Ավերվել են քաղաքացիական ենթակառուցվածքի օբյեկտները, կան վնասներ բնակելի հատվածում։ Նախնական տվյալներով՝ մարդիկ չեն տուժել։