Գյումրու բժշկական կենտրոնի տնօրեն Արմեն Իսահակյանը շնորհավորել է բուժաշխատողներին մասնագիտական տոնի առթիվ:
Ուղերձում ասվում է.
«Սիրելի՛ բուժաշխատողներ,
Սրտանց շնորհավորում եմ ձեզ Բուժաշխատողի օրվա առթիվ։
Այս օրը ևս մեկ առիթ է արժևորելու ձեր ամենօրյա պատասխանատու, նվիրական և մարդասիրական աշխատանքը։ Դուք այն մարդիկ եք, ովքեր մասնագիտական գիտելիքներն ու փորձը միավորում են հոգատարության, համբերության և մարդկային ջերմության հետ՝ ամեն օր պայքարելով մարդկանց առողջության և կյանքի համար։
Բժշկի, բուժքրոջ, բուժակի և առողջապահության համակարգի յուրաքանչյուր աշխատակցի աշխատանքն անգնահատելի է։ Ձեր նվիրվածության շնորհիվ հազարավոր մարդիկ ստանում են անհրաժեշտ օգնություն, վերականգնում առողջությունը և նոր հույս գտնում։
Գյումրու բժշկական կենտրոնի ողջ անձնակազմին մաղթում եմ ամուր առողջություն, մասնագիտական նոր ձեռքբերումներ, ընտանեկան երջանկություն և խաղաղություն։ Թող ձեր պատասխանատու աշխատանքը միշտ արժանանա բարձր գնահատանքի, իսկ յուրաքանչյուր օրը լի լինի հաջողություններով ու երախտագիտությամբ։
Շնորհավոր Բուժաշխատողի օրը։»
Հարգանքով՝
Արմեն Իսահակյան
Գյումրու բժշկական կենտրոնի տնօրեն