Սա հերթական քայլն է՝ քրեակատարողական համակարգում պատժողականից դեպի վերականգնողական մոտեցման անցման ճանապարհին։ Կենտրոնում դատապարտյալները կսովորեն եվրոդռների և պատուհանների պատրաստման հմտություններ՝ մասնագիտական դասընթացների միջոցով, իսկ հետագայում հնարավորություն կունենան աշխատել արդեն իրական արտադրական միջավայրում։ Ծրագիրը կյանքի է կոչվել ՀՀ արդարադատության նախարարության և Եվրոպայի խորհրդի համագործակցությամբ։ ՀՀ արդարադատության նախարարի տեղակալ Աննա Կարապետյանը շեշտեց՝ նման կենտրոնների ստեղծումը համակարգում կարևոր ձեռքբերում է։