Այս պահին Հայաստանի սահմաններին կուտակում արձանագրված չէ․ Սուրեն Պապիկյան

էսկալացիայի վտանգը երբեք էլ չի դադարել, դրա մասին մշտապես հայտարարել ենք՝ նաև հաշվի առնելով մեր հարևան երկրի ղեկավարի հայտարարությունները, այդ թվում՝ նաև ագրեսիվ հռետորաբանությունը, բնականաբար, պետք է լինենք աչալուրջ և պատրաստ՝ պաշտպանելու մեր երկրի սահմանները: Այդ մասին ԱԺ-ում լրագրողների հետ ճեպազրույցում ասաց ՀՀ պաշտպանության նախարար Սուրեն Պապիկյանը:

Պատասխանելով հարցին՝ արդյոք էսկալացիայի դեպքում դիմելու ենք մեր գործընկերներին՝ Պապիկյանն ասաց. «Անհրաժեշտության դեպքում կդիմենք, հիմա եկեք չխոսենք չեղած բանի մասին: Ասում եք՝ պատրա՞ստ եք դիմակայելու, մենք պատրաստ ենք ամեն գնով պաշտպանելու մեր երկրի յուրաքանչյուր միլիմետրը»:

Անդրադառնալով ԼՂ և ՀՀ սահմանին կուտակումների վերաբերյալ հրապարակումներին՝ Սուրեն Պապիկյանն ասաց, որ ՊԲ-ն մշտապես հանդես է գալիս հայտարարություններով, ռուս խաղաղապահներն են դրա մասին ամեն օր հաղորդագրություն տարածում:

«Ինչ վերաբերում է ՀՀ սահմաններին, այս պահին կուտակում արձանագրված չէ, բայց սա չի ենթադրում, որ մենք դրանով մեր աչալրջությունը պետք է դադարեցնենք կամ պակասեցնենք: Քանի որ խոսվում է՝ պատրա՞ստ ենք և այլն, չստացվի՝ մենք պատերազմի մասին ենք խոսում կամ պատրաստվում ենք պատերազմի: Մենք մեր խաղաղության օրակարգից չենք շեղվում, բայց չի նշանակում որ մեր երկրի սահմանները կամ տարածքային ամբողջականությունը սակարկելի է»,- ասաց Սուրեն Պապիկյանը:

Related posts

Իրանից արձակված հրթիռները հարվածել են Իսրայելի ազգային անվտանգության նախարարության շենքին

Իսրայելը պատերազմ է սանձազերծել, Իրանն «ուժով կպատասխանի»․ Խամենեի

Իսրայելը հարվածել է Իրանի գերագույն առաջնորդ Խամենեիի նստավայրի տարածքին