Սերժ Թանկյանը կոչ է անում միանալ Արցախին և զինծառայողներին աջակցող հիմնադրամներին

Հրաչ Սահակյան 1.10.2020 - 21:30
1.10.2020 - 21:30 դիտում

Աշխարհահռչակ ռոք երաժիշտ, System of a down խմբի մենակատար Սերժ Թանկյանը կոչ է անում միանալ Արցախին աջակցող հիմնադրամներին:

«Աշխարհը աչք փակեց 1915 թվականին Հայոց ցեղասպանության վրա,  1980-ականների և 90-ականների զանգվածային սպանությունների ու ջարդերի վրա, 2016 թվականին Ադրբեջանի ներխուժման վրա: Այժմ աշխարհն աչք է փակում այն բանի վրա, որ դեպի ծով ելք չունեցող 150 000 խաղաղ բնակիչներ հարձակման են ենթարկվում Ադրբեջանի և Թուրքիայի կողմից:

SOAD խումբը միշտ  հանդես է եկել հանուն արդարության և խաղաղության: Այս սկզբունքը  գալիս է դարերի ընթացքում մեր ժողովրդին պատճառած տառապանքներից եւ անարդարություններից: Էրդողանին ժխտող Թուրքիան շարունակում է իր նախնիների՝ ցեղասպանության գործը, իսկ կոռումպացված նավթով դաշնակիցները ամերիկյան F-16 կործանիչով ռմբակոծում են Արցախն ու Հայաստանի որոշ շրջաններ ՝ սպանելով ինչպես զինվորներին, այնպես էլ խաղաղ բնակիչներին»,-  «Ֆեյսբուք»-ի իր էջում գրել է Սերժ Թանկյանը:

Ըստ Թանկյանի`աշխարհը կարծես թե շատ զբաղված է կորոնավիրուսով եւ քաղաքականությամբ:

«Բայց մենք պետք է ինչ-որ բան անենք, քանի որ դա գոյատեւման սպառնալիք է մեր ժողովրդի եւ առաջին քրիստոնյա ազգի համար: Մենք կոչ ենք անում բոլորին միանալ մեր ջանքերին»,- գրել է Թանկյանը:

Թանկյանը կիսվել է հիմնադրամների հղումներով: Դրանցից են «Հայաստան» համահայկական հիմնադրամը, Զինծառայողների ապահովագրության հիմնադրամը և այլք:

0 մեկնաբանություն
0

Թողնել Մեկնաբանություն

 

ՆՄԱՆԱՏԻՊ ՀՈԴՎԱԾՆԵՐ