Առջեւում կարեւոր հանդիպումներ են

Ընթացիկ տարվա փետրվարի 29-ը ՖԻՖԱ-ի օրացույցով նշանակված ընկերական հանդիպումների օր է: Եվրոպայի առաջատար հավաքականները վաղուց են հաստատել իրենց մասնակցությունը: Հայաստանի ազգային հավաքականը Վարդան Մինասյանի գլխավորությամբ նույնպես ծրագրում է արդյունավետ օգտագործել այդ օրը: Ավելին, մեր ազգային թիմը պատրաստվում է Կիպրոսում 2 ստուգողական խաղ անցկացնել, ուստի այդ երկիր է մեկնելու 2 կազմով:



Փետրվարի 28-ին Լառնակայի "Անորտոսիս" մարզադաշտում հայ ֆուտբոլիստները հարաբերությունները կպարզեն Սերբայի ազգային թիմի հետ, իսկ մեկ օր անց Լիմասոլ քաղաքի "Ցիրիոն" մարզադաշտում կկայանա Հայաստան-Կանադա հանդիպումը: