Կվերականգնվի՞ պատմական արդարությունը

Կվերականգնվի՞ պատմական արդարությունը, թե` ոչ: Ֆրանսիայի սենատն այսօր կփորձի եւս մեկ քայլ կատարել այս ճանապարհին: Սենատում քվեարկության կդրվի Ֆրանսիայի կողմից ճանաչված ցեղասպանությունների ժխտումը քրեականացնելու մասին օրինագիծը: Պաշտոնական Փարիզը Հայոց ցեղասպանությունից բացի ճանաչել է նաեւ հրեաների ցեղասպանությունը` Հոլոքոստը, որի ժխտումն արդեն իսկ քրեականացված է Ֆրանսիայում: Այս երկրի Ազգային Ժողովը դեկտեմբերի 22-ի նիստում ընդունել է օրինագիծ, որի համաձայն ցեղասպանության փաստը ժխտողներին 1 տարվա ազատազրկում է սպառնալու եւ 45.000 եվրոյի տուգանք: Սենատում օրինագծի հաստատման դեպքում այն պետք է ստորագրի նախագահ Նիկոլա Սարկոզին:Ինչպե՞ս են հարցին վերաբերվում պատմաբաններն ու քաղաքագետները` տեսանյութում: