X

Մոռացել եք գաղտնաբառը?

Մուտք գործել այլ-կայքերի միջոցով:

 
*

Գյուլը Սարգսյանին շնորհավորել է համաձայն «Թուրքիայի պետական ավանդույթների»


* 22-02-2013, 15:42 | Բաժին: Քաղաքականություն | Հեղինակ: --- | Դիտվել է 598 անգամ


Գյուլը Սարգսյանին շնորհավորել է համաձայն «Թուրքիայի պետական ավանդույթների»
Պաշտոնական Անկարայի պարզաբանմամբ` Թուրքիայի նախագահ Աբդուլա Գյուլը Հայաստանի նախագահ Սերժ Սարգսյանին վերընտրվելու կապակցությամբ շնորհավորել է «Թուրքիայի պետական ավանդույթներին համապատասխան»։

«Շնորհավորանքը` հղված հարգարժան նախագահ Սերժ Սարգսյանին Հայաստանի նախագահի պաշտոնում նրա վերընտրվելու կապակցությամբ, արված է մեր պետական ավանդույթներին համապատասխան։ Այնպես ինչպես, ավելի վաղ, այլ երկրներում ընտրությունների արդյունքների հրապարակումից հետո ուղարկվել են շնորհավորական ուղերձներ», - հայտարարել է Թուրքիայի արտգործնախարարությունը ի պատասխան ադրբեջանական APA լրատվական գործակալության հարցման։

Ադրբեջանական գործակալությունը իր հարցը ձեւակերպել էր այսպես. - «Համապատասխանո՞ւմ է արդյոք թուրքական դիվանագիտության ավանդույթներին Աբդուլա Գյուլի շնորհավորանքը` հղված Սերժ Սարգսյանին Հայաստանում նախագահական ընտրությունների պաշտոնական արդյունքների հրապարակումից առաջ, թե՞ այդ շնորհավորանքը սոսկ հարգարժան նախագահի անձնական նախաձեռնությունն է»։

APA-ին Թուրքիայի արտաքին քաղաքական գերատեսչության հղած պատասխան նամակում նշվում է, որ պաշտոնական Անկարան Հայաստանի անկախությունը ճանաչել է 1991 թվականի նոյեմբերի 16-ին։ «Քաղաքավարության միջազգային կանոնների շրջանակներում երկկողմ ձեւով կարող են հղվել ուղերձներ։ Օգտակար կլինի հարցը գնահատել իր բովանդակության շրջանակներում», - գրել է Թուրքիայի արտգործնախարարությունը։

Գյուլը Սարգսյանին շնորհավորական ուղերձ է հղել փետրվարի 20-ին` Հայաստանի նախագահական ընտրությունների նախնական արդյունքների պաշտոնական հրապարակումից հետո։

Թուրքական պետության ղեկավարի այդ քայլը, ադրբեջանական լրատվամիջոցների վկայությամբ, տարակուսանք է հարուցել Բաքվում։ Ադրբեջանի նախագահի աշխատակազմի ղեկավարի տեղակալ եւ արտաքին կապերի բաժնի վարիչ Նովրուզ Մամեդովը, մասնավորապես, հայտարարել է, թե պաշտոնական Անկարան պետք է պարզություն մտցնի այդ հարցում, քանի որ Հայաստանի եւ Թուրքիայի միջեւ դիվանագիտական հարաբերություններ չկան։





azatutyun.am

 

մեկնաբանություններ: (0)

Ինֆորմացիա
Չգրանցված հաճախորդները իրավունք չունեն թողնել մեկնաբանություններ



ԱՐԽԻՎ

^
«    դեկտեմբեր 2018    »
ԵրկԵրեքՉորՀինՈւրբՇաբԿիր
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
 


դեկտեմբեր 2018 (150)
նոյեմբեր 2018 (386)
հոկտեմբեր 2018 (411)
սեպտեմբեր 2018 (441)
օգօոստոս 2018 (482)
հուլիս 2018 (435)
Խնդրում ենք , TSAYG.am-ի հեղինակային նյութերը կամ հաղորդումները վերահրապարակելիս՝ առաջին պարբերությունում անպայման նշել կայքի հիպերհղումը:
Կայքի հոդվածների մասնակի կամ ամբողջական հեռուստառադիոընթերցումն առանց TSAYG.am-ին հղման արգելվում է:
Բոլոր իրավունքները պաշտպանված են:
MAXARTS