Ինքնաձիգով ինքն իրեն կրակել է (նոր մանրամասներ)

Փետրվարի 1-ին Շիրակի մարզի Ախուրյանի ոստիկանությունը ժամը 16:50-ի սահմաններում ահազանգ է ստացել, այն մասին, որ մարզի Ջաջուռ գյուղի տարածքում գտնվող Ջարդի ձորում դիակ է հայտնաբերվել: Ախուրյանի Ոստիկանության օպերատիվ քննչական խումբը մեկնելով դեպքի վայր` հայտնաբերել է Գյումրու բնակիչ, 26-ամյա Վլադիմիր Հակոբի Կարապետյանի դին: Վերջինս հանդիսանում էր "Հայաստանի Էլեկտրական Ցանցեր" ՓԲԸ-ի Ղարս մասնաճյուղի աշխատակիցը, ով գործունեություն է իրականացրել Ախուրյան համայնքում:



Ըստ նախնական տվյալների, սպանվածը ինքնաձիգով, կզակի տակից կրակել է ինքն իրեն: "Դիակն եղել է բերանքսիվայր պառկած վիճակում, իսկ ոտքերի տակ հայտնաբերվել է զենքը, որով, ըստ նախնական տվյալների, կատարվել է ինքնասապնությունը",-հայտնել է ՇՄ Ախուրյանի քննչական բաժնի քննիչ Մամիկոն Մկոյանը: Դեպքի առթիվ հարուցվել է քրեական գործ` ՀՀ քրեական օրենսգրքի 110 հոդվածի` ապօրինի կերպով զենք պահելու, եւ 230 հոդվածի` անձի ինքնասպանության հատկանշներով: Կատարվում է նախաքննություն ինքնասպանության պատճառները ճշտելու համար: