X

Մոռացել եք գաղտնաբառը?

Մուտք գործել այլ-կայքերի միջոցով:

 
*

Բացի հնարավորություններ ստեղծելը, շատ կարևոր է նաև մարդկանց ոգեշնչել. Զարուհի Բաթոյան


* 10-12-2019, 23:17 | Բաժին: Գլխավոր, Հասարակություն | Հեղինակ: admin | Դիտվել է 245 անգամ


Բացի հնարավորություններ ստեղծելը, շատ կարևոր է նաև մարդկանց ոգեշնչել. Զարուհի Բաթոյան
ՀՀ Աշխատանքի և սոցիալական հարցերի նախարար Զարուհի Բաթոյանը ներկա է գտնվել ՄԱԿ-ի զարգացման ծրագրի «Եկամտից առավել, միջինից առավել, առավել, քան ներկան» խորագրով Մարդկային զարգացման զեկույցի շնորհանդեսին:

Միջոցառմանը մասնակցել են ՀՀ փոխվարչապետ Տիգրան Ավինյանը, Հայաստանում ՄԱԿ-ի մշտական համակարգող Շոմբի Շարփը, Հայաստանում ՄԱԶԾ մշտական ներկայացուցիչ Դմիտրի Մարիյասինը:

Փոխվարչապետը շնորհավորել է զեկույցի ներկայացման առիթով, վստահություն հայտնել, որ զեկույցներում վեր հանված խնդիրներն ու առաջարկներն ուղենիշ կդառնան կառավարության համար՝ ոլորտի զարգացման քաղաքականությունը մշակելիս:

«Մարդկանց առողջության, գիտելիքների, հմտությունների ու կարողությունների մեջ ներդրումն ուղղակիորեն ազդում է տնտեսական զարգացման վրա` ապահովելով կյանքի արժանապատիվ պայմաններ ու հասարակական բարեկեցություն: Հետևապես, եթե մենք նպատակ ունենք կրճատելու վաղաժամ մահացությունների թիվը, այսօր պետք է բարձրացնենք առողջապահության առաջնային օղակի որակը, մանկապարտեզից սկսած խթանենք առողջ ապրելակերպը: Եթե ցանկանում ենք նվազեցնել հանցագործությունների մակարդակը, պետք է ներդրում անենք հանրակրթության որակի բարձրացման մեջ` միաժամանակ ապահովելով բռնությունից զերծ միջավայր դպրոցում ու ընտանիքում: Եթե մեր առջև դրված է խնդիր՝ շրջակա միջավայրը պահպանելու, պետք է ջանքեր գործադրենք դպրոցներում բնության հանդեպ պատասխանատու վերաբերմունք ձևավորելու ուղղությամբ: Այսօր ներդրում կատարելով մարդկային կապիտալի զարգացման մեջ` վաղը մենք ավելի քիչ ենք մտահոգվելու հասարակական կարգի պահպանման, աղքատության ու գործազրկության համար»,- նշել է փոխվարչապետը:

Փոխվարչապետը նաև նշել է, որ մարդկային կապիտալի զարգացման արդյունքը միայն տնտեսական զարգացումը չէ: Այն կարևոր միջոց է հանդուրժողականության տարածման ու ատելության խոսքի դեմ պայքարի, կանանց ու տղամարդկանց միջև հավասարության ամրապնդման ու հետագայում նաև տնտեսական իրացման հնարավորությունների ընդլայնման, քաղաքական մասնակցության խթանման համար:

«Կուզենայի նաև նշել այն լրջագույն փոփոխությունները, որոնք տեղի են ունենում սոցիալական ծրագրերում Աշխատանքի և սոցիալական հարցերի նախարարության մեր հմուտ առաջամարտիկի դերի շնորհիվ»,- առանձնացրել է փոխվարչապետ Ավինյանը:

Քննարկման ընթացքում նախարար Զարուհի Բաթոյանը ներկայացրել է նախարարության նոր ծրագրերը, կարևորել այնպիսի գործոններ, ինչպիսիք են մատչելիությունը, աշխատանքի հնարավորությունը, միջին և բարձր տարիքի անձանց կողմից նոր մասնագիտություն ձեռք բերելու հնարավորությունը.

«Կարծում եմ՝ բացի հնարավորություններ ստեղծելը, շատ կարևոր է մարդկանց նաև ոգեշնչել: Մեր կառավարությունը վերջին ամիսների ընթացքում հենց այս առաքելությունն է իր առջև դրել, որպեսզի ոգեշնչի մարդկանց և գործողության մղի: Միայն ոգեշնչմամբ և հաջողված պատմությունների ազդեցությամբ է հնարավոր հաղթահարել որոշակի սահմանափակումներ: Եթե մարդը չի հավատում իր ուժերին ու հնարավորություններին, չունի նաև մղում սովորելու, զարգանալու»,- իր խոսքում ասել է նախարար Զարուհի Բաթոյանը:




 

մեկնաբանություններ: (0)

Ինֆորմացիա
Չգրանցված հաճախորդները իրավունք չունեն թողնել մեկնաբանություններ



ԱՐԽԻՎ

^
«    հունվար 2020    »
ԵրկԵրեքՉորՀինՈւրբՇաբԿիր
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
 


հունվար 2020 (375)
դեկտեմբեր 2019 (415)
նոյեմբեր 2019 (563)
հոկտեմբեր 2019 (601)
սեպտեմբեր 2019 (430)
օգօոստոս 2019 (436)
Խնդրում ենք , TSAYG.am-ի հեղինակային նյութերը կամ հաղորդումները վերահրապարակելիս՝ առաջին պարբերությունում անպայման նշել կայքի հիպերհղումը:
Կայքի հոդվածների մասնակի կամ ամբողջական հեռուստառադիոընթերցումն առանց TSAYG.am-ին հղման արգելվում է:
Բոլոր իրավունքները պաշտպանված են:
MAXARTS