X

Մոռացել եք գաղտնաբառը?

Մուտք գործել այլ-կայքերի միջոցով:

 
*

Այսօր լրանում է ֆրանսահայ շանսոնյեի մահվան տարելիցը


* 1-10-2019, 13:36 | Բաժին: Գլխավոր, Հասարակություն | Հեղինակ: --- | Դիտվել է 287 անգամ


Այսօր լրանում է ֆրանսահայ շանսոնյեի մահվան տարելիցըԱյսօր լրանում է աշխարհահռչակ ֆրանսահայ շանսոնյե Շառլ Ազնավուրի՝ Շահնուր Վաղինակ Ազնավուրյանի մահվան տարելիցը:

Ուղիղ մեկ տարի առաջ` հոկտեմբերի 1-ին, աշխարհը ցնցեց մեծանուն երգիչ, կոմպոզիտոր, բանաստեղծ, դերասան Շառլ Ազնավուրի մահվան լուրը:

Ամբողջ աշխարհում մինչ օրս շարունակում են սգալ աշխարհահռչակ շանսոնյեի մահը:

«Մինչև հոգու խորքը ֆրանսիացի՝ ողջ էությամբ կառչած հայկական արմատներին. Ազնավուրը երեք սերունդների ուղեկցեց ուրախության և ցավի միջով: Նրա գլուխգործոցները, նրա տեմբրը, նրա անկրկնելի փայլը դեռ երկար կապրեն նրանից հետո»,-Ազնավուրի մասին ասել էր Ֆրանսիայի նախագահ Էմանուել Մակրոնը:

Ազնավուրը, որին Ֆրանսիայում կոչում են Ֆրանսիայի «Ֆրենկ Սինատրա», ձայնագրել է մոտ 1200 երգ տարբեր լեզուներով՝ ֆրանսերեն, անգլերեն, իտալերեն, իսպաներեն, գերմաներեն, հայերեն: Ազնավուրը վաճառել է ավելի քան 100 մլն ձայնասկավառակ գրեթե 80 երկրներում:

Շառլ Ազնավուրը ծնվել է 1924 թվականի մայիսի 22-ին Փարիզի Սեն Ժերմեն դե Պրե թաղամասում, հայ գաղթականներ Միշա և Քնար Ազնավուրյանների ընտանիքում: Ազնավուրի հայրը ծնվել է Ախալցխայում, արմատներով Էրզրումից էր, իսկ մայրը՝ Քնար Բաղդասարյանը, Իզմիրից էր, Հայոց ցեղասպանության ականատես փրկվածներից:

Նրա՝ երգչի կարիերան ծաղկում է ապրում Փարիզում՝ Երկրորդ համաշխարհային պատերազմի տարիներին, որի ժամանակ նրա ծնողները Փարիզի իրենց բնակարանում հրեաների և հայերի էին թաքցնում, այդ թվում`բանաստեղծ, ֆրանսիական դիմադրության շարժման մասնակից Միսաք Մանուշյանին և նրա կնոջը՝ Մելինեին:

Էդիտ Պիաֆի աշակերտ Ազնավուրին համաշխարհային հռչակ է բերել 1974 թվականին գրված «Նա» (She) ռոմանտիկ բալադը: Երգը գրեթե չորս շաբաթ գլխավորել է Մեծ Բրիտանիայի հիթ-շքերթները, ինչպես նաև ձայնագրվել է ֆրանսերեն, գերմաներեն, իտալերեն և իսպաներեն լեզուներով: Ստեղծագործությունը նաև օգտագործվել է Notting Hill ֆիլմի սաունդթրեքի համար: Աշխարհահռչակ երգիչը դուետներով է հանդես եկել Սինատրայի, Էլթոն Ջոնի, Սելին Դիոնի, Բրայան Ֆերիի և Սթինգի հետ:

«Ֆրանսերենն իմ աշխատանքային լեզուն է, բայց իմ ընտանիքի լեզուն հայերենն է»,- մի առիթով ասել էր Ազնավուրը:

Ազնավուրն ամուսնացել է երեք անգամ. առաջին անգամ տասնյոթամյա Միշելին Ռյուգելի հետ, երկրորդ անգամ՝ Էվելին Պլեսիսի հետ, երրորդ անգամ՝ շվեդուհի Ուլլա Տորսելի հետ։ Այս ամուսնությունների արդյունքում շանսոնյեն ունեցել է 5 երեխա:

«Ի վերջո, դժվար կյանքս ու խաբված սերերս են, որ ինձ դարձրին այն, ինչ կամ, ու համարձակվում եմ ասել, թող ինքնագովություն չթվա, ես ինձ դուր եմ գալիս»,-ժամանակին ասել էր Ազնավուրը:

Այս տարի հոկտեմբեր ամսին աշխարհի տարբեր երկրներում կանցկացվեն մի շարք միջոցառումներ` նվիրված Շառլ Ազնավուրի հիշատակին ու նրա ժառանգության պահպանմանը։


 

մեկնաբանություններ: (0)

Ինֆորմացիա
Չգրանցված հաճախորդները իրավունք չունեն թողնել մեկնաբանություններ



ԱՐԽԻՎ

^
«    հունվար 2020    »
ԵրկԵրեքՉորՀինՈւրբՇաբԿիր
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
 


հունվար 2020 (232)
դեկտեմբեր 2019 (415)
նոյեմբեր 2019 (563)
հոկտեմբեր 2019 (601)
սեպտեմբեր 2019 (430)
օգօոստոս 2019 (436)
Խնդրում ենք , TSAYG.am-ի հեղինակային նյութերը կամ հաղորդումները վերահրապարակելիս՝ առաջին պարբերությունում անպայման նշել կայքի հիպերհղումը:
Կայքի հոդվածների մասնակի կամ ամբողջական հեռուստառադիոընթերցումն առանց TSAYG.am-ին հղման արգելվում է:
Բոլոր իրավունքները պաշտպանված են:
MAXARTS