X

Մոռացել եք գաղտնաբառը?

Մուտք գործել այլ-կայքերի միջոցով:

 
*

ՌԴ-ում ձերբակալվել է գործարար Ալբերտ Խուդոյանը


* 24-06-2019, 13:34 | Բաժին: Գլխավոր, Հասարակություն | Հեղինակ: --- | Դիտվել է 232 անգամ


ՌԴ-ում ձերբակալվել է գործարար Ալբերտ ԽուդոյանըԱնցած շաբաթ Մոսկվայում ձերբակալվել է Optima Development ընկերության սեփականատեր, հայազգի գործարար Ալբերտ Խուդոյանը, որի նկատմամբ դատարանը մինչ օգոստոսի 14-ը տնային կալանք է սահմանել:

Խուդոյանը մեղադրվում է խարդախության, մի ընկերությունից երեք հողատարածք գողանալու և այդպիսով 2 մլրդ ռուբլու վնաս պատճառելու համար: Նրան սպառնում է տասը տարվա ազատազրկում:

Ալբերտ Խուդոյանն իր մեղքը չի ընդունում, իսկ նրա պաշտպանության կարծիքով՝ քրեական գործն ունի «պատվիրված» բնույթ:

«Քրեական գործը հարուցվել է բացառապես որպես գործարարի ակտիվների բռնազավթման գործիք: Այդ գործողությունների հիմնական նպատակը գործարարի վրա ճնշում գործադրելն է, որպեսզի նա իր համար տնտեսական տեսանկյունից ոչ շահեկան որոշումներ կայացնի և փոխանցի բիզնեսը»,-հայտարարել է Խուդոյանի փաստաբան Ալեքսանդր Կարաբանովը:

Նա մանրամասնել է, որ գործը հարուցվել է՝ ՌԴ Պետդումայի նախկին պատգամավոր Իլդար Սամիևի և գործարար Սերգեյ Գովյադինի շահերից ելնելով:

Հատկանշական է, որ դատարանում հանգուցյալ գործարար Լևոն Հայրապետյանի շահերը պաշտպանած փաստաբան Ռուբեն Մարգարյանը զուգահեռներ է անցկացրել Հայրապետյանի և Խուդոյանի գործերի միջև:

«Օրերս առիթ եղավ հիշելու Լևոն Հայրապետյանին: Գործընկերս հիմնավոր բողոքում էր այն մասին, որ Խուդոյանի դեմ քրեական գործը հարուցվել է հետախուզման մեջ գտնվող անձի բողոքի հիման վրա: Դա ինձ բացարձակապես չզարմացրեց, քանի որ իմ պաշտպանյալ Լևոն Հայրապետյանին դատապարտեցին մի գործով, որի շրջանակում տուժողը սպանության համար ցմահ ազատազրկման դատապարտված սենատոր Իզմեստևն էր»,- rusarminfo.ru-ի հետ զրույցում ասել է Մարգարյանը:

Աղբյուրը նկատում է, որ գործի «պատվիրված» բնույթի մասին է վկայում հենց դատավարության ընթացքը: Ի սկզբանե դատական նիստը պետք է բաց լիներ, հետո դատավորի վճռով այն դռնփակ դարձավ: Նույնիսկ վկաներին սկսեցին թույլ չտալ մասնակցել դրան:

Գործին անդրադարձել է հայտնի հեռուստահաղորդավարուհի Քսենիա Սոբչակը, որի համոզմամբ՝ դա ընթացակարգային բոլոր նորմերի խախտում է:

«Մարդը պարզապես դուրս է գալիս և բաց տեքստով ասում՝ «դատավորն ասաց՝ ոչ մեկին ներս չթողնել»: Բայց ինչպե՞ս դատավորը կարող է ասել «ներս չթողնել»: Այս ի՞նչ եք ասում: Այդ մարդը (Խուդոյանը-tert.am), որը երկար տարիներ զբաղվել է հաջողակ բիզնեսով, միշտ էլ կատարել է իր պարտավորությունները: Նա բազմաթիվ առևտրային կենտրոններ է կառուցել: Այս ամենը տեղի է ունենում միայն նրա համար, որպեսզի նրան ճնշեն և ինչ-որ բիզնես շահեր բավարարվեն»,-ասել է Սոբչակը:

Խուդոյանի փաստաբանը հայտարարել է, որ իր պաշտպանյալի դեմ բողոքած մյուս անձը՝ Գովյադինը, քննիչի ներկայությամբ կասկածյալից 100 մլն դոլար է պահանջել գործի կարգավորման համար: Նրա խոսքով՝ դա հիմք է տալիս ստուգում սկսելու այն հարցի շուրջ, որ հայցվորները կարող են գաղտնի դավադրության մեջ լինել:


 

մեկնաբանություններ: (0)

Ինֆորմացիա
Չգրանցված հաճախորդները իրավունք չունեն թողնել մեկնաբանություններ



ԱՐԽԻՎ

^
«    հուլիս 2019    »
ԵրկԵրեքՉորՀինՈւրբՇաբԿիր
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
 


հուլիս 2019 (240)
հունիս 2019 (438)
մայիս 2019 (456)
ապրիլ 2019 (451)
մարտ 2019 (394)
փետրվար 2019 (480)
Խնդրում ենք , TSAYG.am-ի հեղինակային նյութերը կամ հաղորդումները վերահրապարակելիս՝ առաջին պարբերությունում անպայման նշել կայքի հիպերհղումը:
Կայքի հոդվածների մասնակի կամ ամբողջական հեռուստառադիոընթերցումն առանց TSAYG.am-ին հղման արգելվում է:
Բոլոր իրավունքները պաշտպանված են:
MAXARTS