X

Մոռացել եք գաղտնաբառը?

Մուտք գործել այլ-կայքերի միջոցով:

 
*

Պետությունը կվճարի անապահով խավի չարորակ հիվանդությունների վիրահատական բուժման գումարը


* 23-01-2019, 13:09 | Բաժին: Գլխավոր, Առողջապահություն | Հեղինակ: --- | Դիտվել է 501 անգամ


Պետությունը կվճարի անապահով խավի չարորակ հիվանդությունների վիրահատական բուժման գումարը Sputnik: Ուռուցքաբանական վիրահատության վճարները պետպատվերի շրջանակում պետությունը կփոխհատուցի ամբողջությամբ։ Այսօր հրավիրված ամփոփիչ ասուլիսում այս մասին ասաց ՀՀ առողջապահության նախարար Արսեն Թորոսյանը։

«Ուռուցքաբանական ծառայությունների համար մենք այս տարի ունենք 700 մլն դրամի աճ, որը ավելացել է անցյալ տարվա 1,1 մլրդի վրա։ Որոշում պետք է կայացվեր, թե այդ 700 մլն դրամն ինչի՞ վրա ենք ծախսելու։ Քննարկումների արդյունքում եկանք այն եզրահանգման, որ պետք է փորձենք մեղմել քաղաքացիների բեռը»,– ասաց նախարարը։

Նրա խոսքով` այն հիվանդանոցները, որտեղ պետպատվերով նման ծառայություններ կմատուցվեն, քաղաքացին ոչ մի դրամ այլևս չի վճարի։ Պետությունը կփոխհատուցի գումարը շուկայական գնով և ամբողջությամբ։

«Մենք ունենք նաև այլ ծառայություններ, երբ ասում ենք պետպատվեր, սակայն ծառայությունների գումարները շուկայականից ցածր են, և բուժհաստատությունները միշտ այլ ակնկալիքներ են ունենում։ Այժմ այլ ակնկալիքներ չեն լինելու և գները լինելու են շուկայական և ինքնարժեքից բարձր»,-ասաց Թորոսյանը։

Նշենք, որ ուռուցքաբանական վիրահատությունների ժամանակ նախկինում գործում էր համավճարի սկզբունքը, երբ բուժհաստատությունները պետությունից ստանում էին ծառայության արժեքի միայն մի փոքր մասը, իսկ մնացածը ստիպված էր լինում վճարել քաղաքացին։ Եվ համավճարի այս կարգը համարվում էր պետպատվերով բուժում։

Հիշեցնենք` Հայաստանում պետպատվերի շրջանակում բուժում են ստանում սոցիալապես անապահով խավերի ներկայացուցիչները` առողջապահության նախարարության տրամադրած ուղեգրի հիման վրա։


 

մեկնաբանություններ: (0)

Ինֆորմացիա
Չգրանցված հաճախորդները իրավունք չունեն թողնել մեկնաբանություններ



ԱՐԽԻՎ

^
«    ապրիլ 2019    »
ԵրկԵրեքՉորՀինՈւրբՇաբԿիր
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
 


ապրիլ 2019 (307)
մարտ 2019 (394)
փետրվար 2019 (480)
հունվար 2019 (365)
դեկտեմբեր 2018 (338)
նոյեմբեր 2018 (386)
Խնդրում ենք , TSAYG.am-ի հեղինակային նյութերը կամ հաղորդումները վերահրապարակելիս՝ առաջին պարբերությունում անպայման նշել կայքի հիպերհղումը:
Կայքի հոդվածների մասնակի կամ ամբողջական հեռուստառադիոընթերցումն առանց TSAYG.am-ին հղման արգելվում է:
Բոլոր իրավունքները պաշտպանված են:
MAXARTS