Մայր աթոռ Սբ. Էջմիածնում այս պահին լարված իրավիճակ է։ Քիչ առաջ Մայր Աթոռ Սուրբ Էջմիածնի տեղեկատվական համակարգի տնօրեն Տեր Վահրամ քահանա Մելիքյանը տեղեկացրել էր, որ Ամենայն հայոց Գարեգին Բ հայրապետի հրաժարականը պահանջող ակտիվիստները ներխուժել են Մայր Աթոռ Սուրբ Էջմիածնի Դիվանատան շենք։«Նոր Հայաստան, նոր Հայրապետ» նախաձեռնության համակարգող Կարեն Պետրոսյանը իր ֆեյսբուքյան էջում տարածած տեսանյութով տեղեկացրել է, որ իրենց վրա է հարձակվել մի քանի հոգևորական, այս պահին Դիվանատան շենքում են նաև ոստիկաններ։
Ակտվիստը նշեց նաև, որ այդ տարածքից ոչ-ոք իրենց դուրս հանելու իրավունք չունի։
«Սա մեր տարածքն է։ Մենք եկել ենք ժողովին մասնակցելու, իրենք ապօրինի ժողով են անում», - ասաց Կարեն Պետրոսյանը։