X

Մոռացել եք գաղտնաբառը?

Մուտք գործել այլ-կայքերի միջոցով:

 
*

«Սասնա ծռերի» անդամ Հովհաննես Հարությունյանի վիճակը ծանր է, պայմանները՝ անտանելի. փաստաբաններ


* 30-08-2016, 11:47 | Բաժին: Գլխավոր, Հասարակություն | Հեղինակ: --- | Դիտվել է 961 անգամ


«Սասնա ծռերի» անդամ Հովհաննես Հարությունյանի վիճակը ծանր է, պայմանները՝ անտանելի. փաստաբաններTert.am: «Սասնա ծռեր» խմբի անդամ Հովհաննես Հարությունյանին բուժօգնություն է հարկավոր, վիճակը շարունակում է ծանր մնալ: Այս մասին լրագրողների հետ հանդիպման ժամանակ ասել է Հովհաննես Հարությունյանի պաշտպաններից Հայարփի Սարգսյանը:

«Նրան շտապ բուժօգնություն է հարկավոր: Այս պահին որոշակի անորոշություն կա, տարբեր բժիշկներ են նայել, բոլորը պատճառաբանում են, որ նա դեռևս չի կարող վիրահատվել, քանի դեռ նրա վերքերը չեն լավացել, իսկ հուլիսի 26-ին, երբ Հովհաննես Հարությունյանը հրազենային վիրավորում էր ստացել, նրան բուժօգնություն է ցուցաբերվել շուրջ երկու ժամ հետո և մինչ օրս վիրահատության չի ենթարկվել»,-ասել է փաստաբանը:

Հայարփի Սարգսյանը նշել է, որ անմարդկային պայմաններ են Հովհաննես Հարությունյանի հիվանդասենյակում. «Ինքս եմ տեսել, իմ ներկայությամբ խավարասերները նրա վերքերի վրայով վազվզում էին: Հիվանդասենյակում աղբ էր կուտակված, սառնարանում որդեր էին, նրան շատ վատ պայմաններում են պահել մինչև հուլիսի 30-ը, չնայած փոխված հիվանդասենյակն էլ էականորեն չի տարբերվում նախորդից, միայն պատերն են ներկել և վերջ»,-նշել է նա:

Հովհաննես Հարությունյանի մյուս փաստաբան Արա Ղարագյոզյանը ևս Հովհաննես Հարությունյանի վիճակը ծանր է համարում, պայմաններն էլ անտանելի. «Իմ պաշտպանյալի վերքից արյուն է եկել, այդ արյունն այնքան ժամանակ չի փոխվել, որ չորացել է, բարձը սևացել էր»:

Բացի այդ, փաստաբանն ասել է Հովհաննսես Հարությունյանը խնամքի կարիք ունի, իսկ բուժօգնությունը նորմալ չի ցուցաբերվում. «Երբ իմ ներկայությամբ բժիշկը Հովհաննեսին «սիստեմա» էր միացնում, ինչը նրա մոտ չէր ստացվում, անկեղծացավ` ասելով, թե կյանքում առաջին անգամ է նման բան անում»:


 

մեկնաբանություններ: (0)

Ինֆորմացիա
Չգրանցված հաճախորդները իրավունք չունեն թողնել մեկնաբանություններ



ԱՐԽԻՎ

^
«    սեպտեմբեր 2019    »
ԵրկԵրեքՉորՀինՈւրբՇաբԿիր
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
 


սեպտեմբեր 2019 (194)
օգօոստոս 2019 (436)
հուլիս 2019 (482)
հունիս 2019 (438)
մայիս 2019 (456)
ապրիլ 2019 (451)
Խնդրում ենք , TSAYG.am-ի հեղինակային նյութերը կամ հաղորդումները վերահրապարակելիս՝ առաջին պարբերությունում անպայման նշել կայքի հիպերհղումը:
Կայքի հոդվածների մասնակի կամ ամբողջական հեռուստառադիոընթերցումն առանց TSAYG.am-ին հղման արգելվում է:
Բոլոր իրավունքները պաշտպանված են:
MAXARTS