+14°
Վերջին օրերին Գյումրիում շրջանառվող տեղեկատվության համաձայն, զբաղեցրած պաշտոնից ազատվել է ՀՊՃՀ ԳՄ տնօրեն Վահագն Շահբազյանը: Լուրերն իրականությանը համապատասխանում են: "Ազդարար" լրատվականի աշխատանքային խմբի հետ ունեցած հարցազրույցում պատասխանատուն նշել է, որ Վահագն Շահբազյանը աշխատանքից իրոք ազատվել է`սեփական դիմումի համաձայն: Ժամանակավոր պաշտոնակատար է նշանակվել ճարտարագիտական համալսարանի "Տեմպ" հենակետային վարժարանի տնօրեն Աշոտ Պապոյանը: Վերջինս նշել է, որ այս տարի լրանում է Վահագն Շահբազյանի կենսաթոշակային տարիքը: Պարոն Շահբազյանը տնօրենի պաշտոնում վերջին անգամ ընտրվել էր երկու տարի առաջ, նրա հետ աշխատանքային պայմանագիր, ըստ Աշոտ Պապոյանի, կնքվել է հենց երկու տարով: 2012 թվականի հունվար եւ փետրվար ամիսներին Վահագն Շահբազյանը հանդիսացել է համալսարանի տնօրենի ժամանակավոր պաշտոնակատար: "Նա մնալու է համալսարանում եւ շարունակելու է իր մանկավարժական գործունեությունը",- զրույցը եզրափակել է Աշոտ Պապոյանը: Այլ մանրամասներ տեսանյութում:
|
