X

Մոռացել եք գաղտնաբառը?

Մուտք գործել այլ-կայքերի միջոցով:

 
*

11 ամիս կոմայի մեջ. Բժշկական սխա՞լ թե՞... կորոշի հերթական փորձաքննությունը


* 21-04-2014, 19:11 | Բաժին: Առողջապահություն | Հեղինակ: --- | Դիտվել է 1487 անգամ


11 ամիս կոմայի մեջ. Բժշկական սխա՞լ թե՞... կորոշի հերթական փորձաքննությունը
Armnewstv.am: Լիլիթ Նալբանդյանն արդեն 11 ամիս է Էրեբունի բժշկական կենտրոնի վերակենդանացման բաժանմունքում վեգետատիվ կոմայի մեջ պառկած է: Երիտասարդ կինը չի լսում, չի զգում, ինքնուրույն չի շնչում, միայն աչքերն է բացում` մնալով անգիտակից վիճակում: Լիլիթի համար 2013-ի մաիսի 18-ի լույս 19-ի գիշերը ճակատագրական դարձավ: Առողջ կինը Վանաձորի ծննդատանը առաջնեկին էր սպասում: Կեսարյան հատումից հետո` կոմա: Դատաբժշկական փորձաքննությունը Լիլիթ Նալբանդյանի վիճակի վատացման պատճառ էր համարել թրոմբոէմբոլիան, որն առաջանում է հանկարծակի եւ, որի դեմ բժիշկներն անզոր են: Այս եզրակացության համաձայն բժիշկները թերություններ և բացթողումներ թույլ չեն տվել: Դատաբժշկական կրկնակի փորձաքննությունը ամբողջությամբ հերքել է առաջին եզրակացությունը:

Երկրորդ փորձաքննությունը արձանագրել է, որ թրոմբոէմբոլիա չի եղել: Ծննդկանի հետռեանիմացիոն վիճակը զարգացել է նրա նկատմամբ հետվիրահատական վաղ շրջանում ոչ պատշաճ բժշկական հսկողություն իրականացնելու պատճառով: Մասնագետ անեսթեզիոլոգը ծննդկանի մոտից հեռացել է ժամանակից շուտ եւ հեռացել է բուժհաստատությունից, հիվանդի վիճակի վատացումը ժամանակին չի հայտնաբերվել, ժամանակին չեն կատարվել վերակենդանացման միջոցառումները:

Ըստ փորձաքննությունների ազգային բյուրոյի եզրակացության, պատշաճ չի իրականացվել նաեւ նախավիրահատական հսկողությունը: Չի կատարվել Էլեկտրասրտագրություն, որը անզգայացումից առաջ պարտադիր է: Արայիկ Պապիկյանը գլխավոր դատախազին միջնորդել է ակնհայտ կեղծ եզրակացություն տալու համար պատասխանատվության ենթարկել առաջին դատաբժկական փորձաքննության տակ ստորագրած մասնագետներին, որոնք, փաստաբանի խոսքով, կաբինետում նստած եզրակացություն են կազմել: Մի ուշագրավ փաստ էլ` անասթեզիոլոգ Ալվարդ Հայրապետյանը 2-րդ կարգի հաշմանդամություն է ունեցել` գլխի հետ կապված հիվանդության պատճառով: Հաշմանդամության կարգը այս դեպքից հետո փոխվել է 3-րդ: Փաստաբանն այստեղ միտում է տեսնում:

Նկատի ունենալով 1-ին եւ 2-րդ փորձաքննությունների արդյունքների ակնհայտ հակասությունը, քննիչը 3-րդ փորձաքննությունն է նշանակել, որը պետք է իրականացնի Առողջապահության նախարարությունը: Քրեական գործում մինչեւ օրս որեւէ մեղադրյալ ներգրավված չէ, թեեւ փաստաբանը քննիչին միջնորդել է գործով մեղադրյալներ ճանաչել Լիլիթ Նալբանդյանի ծնունդն ընդունած բժիշկ Դավիթ Շահբազյանին եւ անեսթեզիոլոգ Ալվարդ Հայրապետյանին: Քրեական գործը հարուցվել է մասնագիտական պարտականությունները չկատարելու կամ ոչ պատշաճ կատարելու հոդվածի 1-ին մասով, որը պատժվում է ընդամենը տուգանքով կամ եռամսյա կալանքով` առանց որոշակի պաշտոններ զբաղեցնելու կամ որոշակի գործունեությամբ զբաղվելու իրավունքից զրկելու: Լիլիթ Նալբանդյանի ծննդալուծումը կատարած բժիշկները շարունակում են աշխատել:


 

մեկնաբանություններ: (0)

Ինֆորմացիա
Չգրանցված հաճախորդները իրավունք չունեն թողնել մեկնաբանություններ



ԱՐԽԻՎ

^
«    փետրվար 2020    »
ԵրկԵրեքՉորՀինՈւրբՇաբԿիր
 
1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
 


փետրվար 2020 (402)
հունվար 2020 (443)
դեկտեմբեր 2019 (415)
նոյեմբեր 2019 (563)
հոկտեմբեր 2019 (601)
սեպտեմբեր 2019 (430)
Խնդրում ենք , TSAYG.am-ի հեղինակային նյութերը կամ հաղորդումները վերահրապարակելիս՝ առաջին պարբերությունում անպայման նշել կայքի հիպերհղումը:
Կայքի հոդվածների մասնակի կամ ամբողջական հեռուստառադիոընթերցումն առանց TSAYG.am-ին հղման արգելվում է:
Բոլոր իրավունքները պաշտպանված են:
MAXARTS